• សិក្សាស្រាវជ្រាវលើច្បាប់ និងបទបញ្ជាផ្សេងៗដែលពាក់ព័ន្ធ ដើម្បីផ្តល់យោបល់ក្នុងការត្រួតពិនិត្យលើ​គោល​ការណ៍ និង​នីតិវិធី​ផ្សេងៗ ធៀបជាមួយនឹងលិខិតបទដ្ឋានគតិយុត្ត ដែលពាក់ព័ន្ធគោលការណ៍ និងនីតិវិធីគណនេយ្យហិរញ្ញវត្ថុគ្រឹះស្ថាន។
• សិក្សា ស្រាវជ្រាវ ស្វែងរកគំនិតថ្មីៗ ដើម្បីជាប្រយោជន៍អភិវឌ្ឍន៍ការងារឲ្យទាន់សម័យ និងចូលរួមផ្តល់យោបល់ ដើម្បី​មាន​វិធានការដោះស្រាយ និងអនុវត្តការងារឲ្យបានត្រឹមត្រូវ​ ច្បាស់លាស់ លើបញ្ហាផ្សេងៗដែលកើតមានឡើង​ពាក់ព័ន្ធនឹងកិច្ចការគណនេយ្យហិរញ្ញវត្ថុគ្រឹះស្ថាន ​។
• ចូលរួមត្រួតពិនិត្យលើការរៀបចំរបាយការណ៍ហិរញ្ញវត្ថុប្រចាំខែ ត្រីមាស ឆមាស និងប្រចាំឆ្នាំរបស់ប៊ែមប៊ូ ហ្វាយនែន ភីអិលស៊ី ឲ្យស្របតាមតម្រូវរបស់ ធនាគារជាតិនៃកម្ពុជា សមាគមមីក្រូហិរញ្ញវត្ថុនៃកម្ពុជា ម្ចាស់ភាគទុនិក ស្នងការគណនីឯករាជ្យ និងម្ចាស់កម្ចី ហើយរាយការណ៍ជូនគណៈគ្រប់គ្រង និងថ្នាក់មានសមត្ថកិច្ចពាក់ព័ន្ធឲ្យបានត្រឹមត្រូវ និងទាន់ពេលវេលា។
• ចូលរួមដឹកនាំលើការវិភាគនិងវាយតម្លៃ លើលទ្ធផលហិរញ្ញវត្ថុរបស់ប៊ែមប៊ូ ហ្វាយនែន ភីអិលស៊ី រួមមាន៖ ការវិភាគលើទំនោរ និងលម្អៀងហិរញ្ញវត្ថុនៃចំណូល និងចំណាយ និងប្រៀបធៀបលទ្ធផលជាក់ស្តែងទៅនឹងផែនការដើម្បីគាំទ្រការសម្រេចចិត្តរបស់គណៈគ្រប់គ្រង។
• ចូលរួមលើដំណើរការរៀបចំផែនការប្រចាំឆ្នាំ និងរៀបចំផែនការថវិកាជាយុទ្ធសាស្រ្ត ប៊ែមប៊ូ ហ្វាយនែន ឲ្យបានទាន់ពេលវេលា។
• ចូលរួមប្រមូលទិន្នន័យ ហិរញ្ញវត្ថុនិងលទ្ធផលប្រតិបត្តិការជាក់ស្តែង (Actual Data) ដើម្បីរៀបចំផែនការថវិកាឲ្យបានត្រឹមត្រូវ ទាន់ពេលវេលា។
• ចូលរួមរៀបចំបញ្ចូលទិន្នន័យ ដើម្បីគណនា Incentive ប្រចាំឆ្នាំ សម្រាប់ការិយ័យកណ្តាល ការិយាល័យសាខា គណៈកម្មការប្រតិបត្តិ និងក្រុមប្រឹក្សាភិបាល។
• ចូលរួមរៀបចំ Financial Covenants ទៅតាមតម្រូវការរបស់ម្ចាស់កម្ចីនិមួយៗ ឲ្យបានត្រឹមត្រូវ និងទាន់ពេលវេលា។
• ចូលរួម ត្រួតពិនិត្យលើការរៀបចំរបាយការណ៍ ប្រចាំសប្តាហ៍ រួមមាន៖

1. របាយការណ៍ស្តីពីអត្រាការប្រាក់ជាមធ្យមលើប្រាក់បញ្ញើ និងប្រាក់កម្ចី (Weekly Report on Weighted Average Interest Rates on Deposits and Loans)។
2. របាយការណ៍ឥណទានរៀបចំឡើងវិញគ្រប់វិស័យ (Weekly Report Loan Restructuring all sectors) ទៅធនាគារជាតិនៃកម្ពុជា។

• ចូលរួម ត្រួតពិនិត្យលើការរៀបចំរបាយការណ៍ប្រចាំខែ រួមមាន៖

1. របាយការណ៍ RPPI ទៅធនាគារជាតិនៃកម្ពុជា។
2. របាយការណ៍ឥណទានរៀបចំឡើងវិញ ទៅធនាគារជាតិនៃកម្ពុជា។
3. របាយការណ៍ឥណទានបែងចែកតាមវិស័យ ទៅធនាគារជាតិនៃកម្ពុជា។

• ចូលរួម ត្រួតពិនិត្យលើការរៀបចំរបាយការណ៍ប្រចាំត្រីមាស រួមមាន៖

1. របាយការណ៍ អនុបាតសន្ទនីយភាព (Liquidity Ratio) ទៅធនាគារជាតិនៃកម្ពុជា។
2. របាយការណ៍ ទៅអង្គភាពស៊ើបការណ៍ ហិរញ្ញវត្ថុ កម្ពុជា។
3. របាយការណ៍ SDD Report សម្រាប់មីក្រូហិរញ្ញវត្ថុមិនទទួលប្រាក់បញ្ញើ ទៅធនាគារជាតិនៃកម្ពុជា។
4. របាយការណ៍ទិន្នន័យកម្រៃជើងសារសង្ខេប និងទិន្នន័យតារាងលម្អិតទៅធនាគារជាតិនៃកម្ពុជា។

• ចូលរួម ត្រួតពិនិត្យលើការរៀបចំរបាយការណ៍ប្រចាំឆមាស រួមមាន៖

1. របាយការណ៍ឥណទានបែងចែកខេត្តក្រុង ទៅធនាគារជាតិនៃកម្ពុជា។
2. របាយការណ៍ វិញ្ញាបនប័ត្រអនុលោម (Compliance Certificate) ទៅម្ចាស់កម្ចី។

• ចូលរួមរៀបចំរបាយការណ៍វិភាគលទ្ធផលហិរញ្ញវត្ថុ (Financial Analysis) គ្រប់ការិយាល័យសាខា និងសរុបរួម ឲ្យបានត្រឹមត្រូវ និងទាន់ពេលវេលា។
• ចូលរួមរៀបចំរបាយការណ៍លទ្ធផលហិរញ្ញវត្ថុ (KPIs) ទៅក្រុមហ៊ុនមេ ឲ្យបានត្រឹមត្រូវ និងទាន់ពេលវេលា។
• ចូលរួមសម្របសម្រួលគាំទ្រឯកសារដែលសវនករខាងក្រៅ ត្រូវការសម្រាប់ការរៀបចំរបាយការណ៍ហិរញ្ញវត្ថុប្រចាំឆ្នាំឲ្យបាន ទាន់ពេលវេលា។
• ចូលរួមគាំទ្រ​ផ្នែកទ្រឹស្តី និង​បច្ចេកទេសដល់គ្រប់ការិយាល័យសាខា និងនាយកដ្ឋានពាក់ព័ន្ធ ឲ្យមានប្រសិទ្ធភាពខ្ពស់។
• ធ្វើកិច្ចការផ្សេងទៀតតាមការវិវឌ្ឍន៍របស់ ប៊ែមប៊ូ និងតាមការចាត់តាំងរបស់អ្នកគ្រប់គ្រងផ្ទាល់ ឬថ្នាក់មានសមត្ថកិច្ចក្នុងក្របខ័ណ្ឌការងាររបស់ក្រុមហ៊ុន។

.