ចាប់តាំងពីចុងឆ្នាំ២០០៤ មក រាជរដ្ឋាភិបាលកម្ពុជាដោយមានក្រសួងសេដ្ឋកិច្ចនិងហិរញ្ញវត្ថុជាសេនាធិការ បានចាប់អនុវត្តកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈជាជំហានៗ មានរយៈពេលវែង ដែលមានគោលបំណងកែលម្អប្រព័ន្ធគ្រប់គ្រងហិរញ្ញវត្ថុ សាធារណៈរបស់កម្ពុជាឆ្ពោះទៅរកស្តង់ដាអន្តរជាតិ។ ការអនុវត្តកម្មវិធីនេះបានទទួលជោគជ័យជាបន្តបន្ទាប់ ហើយកំពុងបន្តអនុវត្តជំហានបន្ទាប់ទៀត។ អគ្គលេខាធិការដ្ឋានគណៈកម្មាធិការដឹកនាំការងារកែទម្រង់ការគ្រប់គ្រងហិរញ្ញវត្ថុសាធារណៈ “អ.គ.ហ.” ជាសេនាធិការរបស់គណៈកម្មាធិការដឹកនាំការងារកែទម្រង់ការគ្រប់គ្រងហិរញ្ញវត្ថុសាធារណៈនៃក្រសួងសេដ្ឋកិច្ចនិងហិរញ្ញវត្ថុមានមុខងារ និងភារកិច្ចសម្របសម្រួលការរៀបចំ និងការអនុវត្តការងារគោលនយោបាយសេដ្ឋកិច្ចនិងហិរញ្ញវត្ថុ ព្រមទាំងសម្របសម្រួល ការរៀបចំ និងការអនុវត្តកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈ។

ដោយមានចក្ខុវិស័យច្បាស់លាស់ និងក្នុងនាមជាសេនាធិការប្រកបដោយគុណភាព ស័ក្ដិសិទ្ធិភាព និងប្រសិទ្ធភាព អគ្គ-លេខាធិការដ្ឋានគណៈកម្មាធិការដឹកនាំការងារកែទម្រង់ការគ្រប់គ្រងហិរញ្ញវត្ថុសាធារណៈ “អ.គ.ហ.” ត្រូវការចាំបាច់នូវធនធានមនុស្សជាបុគ្គលិកជាប់កិច្ចសន្យាចំនួន៤រូប បម្រើការងារជូនអគ្គនាយកដ្ឋានសេដ្ឋកិច្ចឌីជីថល ដែលមានសមត្ថភាព មានជំនាញ និងមានបទពិសោធន៍សមស្របតាមការងារនីមួយៗដូចខាងក្រោម៖

** ភារកិច្ច

- ចូលរួមការងារប្រមូល និងវិភាគលើតម្រូវការរបស់អ្នកប្រើប្រាស់និងផ្តល់ដំណោះស្រាយ

- ចូលរួមក្នុងការរៀបចំនិម្មាបនកម្ម, ការគូសប្លង់, ម៉ូដែល និងទម្រង់នៃសុសវែរ

- ចូលរួមសរសេរកូដកម្មវិធីផ្នែកខាងមុខ (Front-End Development)

- ចូលរួមសរសេរកូដអភិវឌ្ឍកម្មវិធីផ្នែកខាងក្រោយ (Back-End Development)

- ចូលរួមក្នុងការងារវិភាគ និងកសាងមូលទិន្នន័យ (Database)

- ចូលរួមពិភាក្សា និងកំណត់វិធីសាស្ត្រសម្រាប់ការរៀបចំ និងអភិវឌ្ឍសុសវែរ

- រៀបចំឯកសារបច្ចេកទេសពាក់ព័ន្ធនានានៅក្នុងវដ្តនៃការអភិវឌ្ឍសុសវែរ

- ចូលរួមធ្វើតេស្តផ្នែកបច្ចេកទេស និងមុខងាររបស់សុសវែរ

- បំពេញការងារផ្សេងទៀតតាមការប្រគល់ជូនពីថ្នាក់ដឹកនាំ។

** គុណវុឌ្ឍិ

- មានសញ្ញាបត្របរិញ្ញាបត្រវិទ្យាសាស្ត្រកុំព្យូទ័រ, ព័ត៌មានវិទ្យា ឬប្រហាក់ប្រហែល

- មានបទពិសោធន៍យ៉ាងតិច ២ឆ្នាំ ក្នុងការចូលរួមបង្កើតសុសវែរ

- មានបទពិសោធន៍ក្នុងការប្រើប្រាស់ Figma, Adobe XD ជាដើម

- មានបទពិសោធន៍ក្នុងការអភិវឌ្ឍសុសវែរផ្នែកខាងមុខ ដោយប្រើប្រាស់ភាសាកូដ ដូចជា HTML, CSS និង JavaScript Framework ដូចជា React, Angular, Vue.js ឬផ្សេងទៀត

- មានបទពិសោធន៍ក្នុងការអភិវឌ្ឍសុសវែរផ្នែកខាងក្រោយ ដោយប្រើប្រាស់ភាសាកូដ ដូចជា PHP, Java, Python, Node.js ជាដើម

- មានបទពិសោធន៍ក្នុងការប្រើប្រាស់ Web Development Framework ដូចជា Spring Boot, Laravel, Django, NextJS ជាដើម

- មានចំណេះដឹងលើការប្រើប្រាស់មូលទិន្នន័យ (Database Management) ដូចជា MySQL, MangoDB, PostgreSQL

- ចេះប្រើប្រាស់បច្ចេកវិទ្យា Container កាន់តែប្រសើរ ជាពិសេស Docker, Kubernetes

- មានបទពិសោធន៍ក្នុងការបង្កើត និងប្រើប្រាស់ API

- មានជំនាញច្បាស់លាស់ក្នុងការដោះស្រាយបញ្ហាបច្ចេកទេស និងចាប់យកបានលឿនទៅលើការប្រើប្រាស់បច្ចេកវិទ្យាថ្មីៗ

- មានជំនាញក្នុងការសរសេរឯកសារ និងមានទំនាក់ទំនងការងារល្អ

- អាចបំពេញការងារដោយឯករាជ្យ និងជាក្រុមបានល្អ

- មានអត្តចរិតស្លូតបូត, ស្មោះត្រង់, ឧស្សាហ៍, ព្យាយាម និងគោរពក្រមសីលធម៌វិជ្ជាជីវៈ។

ក. នីតិវិធីនៃការជ្រើសរើស

​បេក្ខជន បេក្ខនារី នឹងត្រូវវាយតម្លៃជាបឋមលើប្រវត្តិរូបសង្ខេប និង Cover Letter។ បេក្ខជន បេក្ខនារីដែលបានជាប់ក្នុងបញ្ជីជម្រុះបឋមប៉ុណ្ណោះ នឹងត្រូវអញ្ជើញមកសម្ភាសន៍ផ្ទាល់មាត់ ។

ខ.នីតិវិធីនៃការដាក់ពាក្យ

​បេក្ខជន បេក្ខនារីដែលមានចំណាប់អារម្មណ៍ សូមផ្ញើប្រវត្តិរូបសង្ខេប (CV) និង Cover Letter (ជាភាសាអង់គ្លេស) និងឯកសារភ្ជាប់ពាក់ព័ន្ធនានាមកកាន់អាសយដ្ឋានសារអេឡិចត្រូនិច៖ [email protected] ឱ្យបានយ៉ាងយូរបំផុតត្រឹម ថ្ងៃចន្ទ១០កើត ខែចេត្រ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី៧ ខែមេសា ឆ្នាំ២០២៥ វេលាម៉ោង ៥និង៣០នាទីល្ងាចជាកំហិត។ អ.គ.ហ. ទទួលពាក្យស្នើសុំចុះឈ្មោះចូលបម្រើការងារតាមរយៈប្រព័ន្ធអនឡាញ (Online) តែប៉ុណ្ណោះ។