ភារកិច្ច និង ការទទួលខុសត្រូវ

• ស្រាវជ្រាវស្វែងយល់តម្រូវការបទដ្ឋាន, រៀបចំ និង កសាងគោលការណ៍ណែនាំ និង នីតិវិធីផ្សេងៗ ពាក់ព័ន្ធនឹងសវនកម្មប្រព័ន្ធព័ត៌មាន (Information System Audit)

• ផ្តល់ប្រឹក្សាលើបញ្ហាពាក់ព័ន្ធនឹងការគ្រប់គ្រងហានិភ័យបច្ចេកវិទ្យាព័ត៌មាន ជូនថ្នាក់ដឹកនាំទាំងផ្នែកធុរកិច្ច និង បច្ចេកវិទ្យាព័ត៌មាន ជាពិសេសលើកម្មវិធី, ហេដ្ឋារចនាសម្ព័ន្ធ និង ដំណើរការទាំងមូលនៅក្នុងគម្រោងរបស់ស្ថាប័ន (Application, Infrastructure, and Process)

• ត្រួតពិនិត្យ, វិភាគ និង រៀបចំការវាយតម្លៃហានិភ័យបច្ចេកវិទ្យាព័ត៌មានជូនថ្នាក់ដឹកនាំរួមទាំង ធ្វើការកំណត់ផ្នែកដែលស្ថាប័នគួរគិតគូរលើការវិនិយោគបន្ថែម និង ផ្នែកទាំងឡាយដែលសវនកម្មផ្ទៃក្នុងគួរផ្តោតលើ

• រៀបចំផែនការសវនកម្មសុវត្ថិភាពព័ត៌មាន និង គុណភាពកម្មវិធីបច្ចេកវិទ្យាព័ត៌មាន

• អនុវត្តកិច្ចការសវនកម្មសុវត្ថិភាពព័ត៌មាន និង គុណភាពកម្មវិធីបច្ចេកវិទ្យាព័ត៌មានទៅតាមគ្រា និង តម្រូវការរបស់ថ្នាក់ដឹកនាំ

• ចូលរួមត្រួតពិនិត្យសុវត្ថិភាពព័ត៌មាន និង គុណភាពកម្មវិធីទាំងមុន និង ក្រោយការអភិវឌ្ឍ និង អនុវត្ត

• រៀបចំរបាយការណ៍លទ្ធផលសវនកម្មសុវត្ថិភាពព័ត៌មាន និង គុណភាពកម្មវិធីបច្ចេកវិទ្យាជូនថ្នាក់ដឹកនាំ

• សម្របសម្រួលការងារ និង សហការជាមួយអង្គភាពពាក់ព័ន្ធទាំងក្នុង និង ក្រៅស្ថាប័ន រួមមាន, សវនកម្មផ្ទៃក្នុង ជាដើមត្រួតពិនិត្យ, វាយតម្លៃ និង ផ្តល់យោបល់លើការគ្រប់គ្រងផ្នែករឹង, ផ្នែកទន់ និង បណ្តាញផ្សេងៗ អនុលោមទៅតាមគោលនយោបាយគ្រប់គ្រង (Control Policy)

• ពិនិត្យគោលនយោបាយ និង នីតិវិធីគ្រប់គ្រងបច្ចេកវិទ្យាព័ត៌មាន (IT Management Policies) ដូចជា៖ ការគ្រប់គ្រងសំណើផ្លាស់ប្តូរ (Change Request Management), ផែនការបន្តអាជីវកម្ម (Business Continuity Plan), ការស្តារគ្រោះមហន្តរាយ (Disaster Recovery) និង សុវត្ថិភាពព័ត៌មាន (Information Security) ដើម្បីធានាបានភាពគ្រប់គ្រាន់នៃការគ្រប់គ្រងដំណើរការទាំងមូល

• សិក្សា និង ស្រាវជ្រាវឧបករណ៍, បច្ចេកវិទ្យា និង នីតិវិធីថ្មីៗ ដើម្បីទទួលបានចំណេះដឹងថ្មី និង ជួយធ្វើឱ្យប្រសើរឡើងក្នុងការជំនាញវិភាគទិន្នន័យ និង វាយតម្លៃហានិភ័យសម្រាប់ផ្នែកសវនកម្មប្រព័ន្ធព័ត៌មាន

• រៀបចំរបាយការណ៍វឌ្ឍនភាពការងារ និង របាយការណ៍ប្រចាំខែដាក់ជូនថ្នាក់ដឹកនាំ

• អនុវត្តកិច្ចការផ្សេងៗតាមតម្រូវការ និង ការចាត់ចែងដោយថ្នាក់ដឹកនាំ

គុណវុឌ្ឍិ

• មានសញ្ញាបត្របរិញ្ញាបត្រឡើងទៅ ទាក់ទងនឹងជំនាញវិទ្យាសាស្ត្រកុំព្យូទ័រ, សវនកម្មបច្ចេកវិទ្យាព័ត៌មាន ឬ វិទ្យាសាស្ត្រទិន្នន័យ

• មានអាទិភាពសម្រាប់បេក្ខជនដែលមានសញ្ញាបត្រ ISO 27001, ISO 90001, CISA ជាដើម

• ត្រូវមានឆន្ទៈ និង មនសិការក្នុងការបំពេញការងារជូនស្ថាប័នរដ្ឋ និង បម្រើការបានយូរអង្វែង

• មានចំណេះដឹង និង បទពិសោធផ្នែកសវនកម្មប្រព័ន្ធព័ត៌មាន (Information System Audit), Risk Management ។

ប្រាក់បៀវត្ស/ ប្រាក់ឧបត្ថម្ភ នឹងត្រូវទទួលបានទៅតាមមុខតំណែង និងផ្អែកលើសមត្ថភាព បទពិសោធន៍ និងគុណវុឌ្ឍិរបស់បេក្ខជនឬបេក្ខនារី។