ភារកិច្ច និង ការទទួលខុសត្រូវ

• ស្វែងយល់ និង ចូលរួមរៀបចំនីតិវិធីឧត្តមានុវត្ត និង គតិយុត្តិពាក់ព័ន្ធផ្សេងៗសម្រាប់គ្រប់គ្រងទិន្នន័យ, ថែទាំ, រៀបចំរបាយការណ៍ និង គ្រប់គ្រងសុវត្ថិភាព

• ស្វែងយល់ពីលក្ខខណ្ឌតម្រូវការរបស់អ្នកប្រើប្រាស់ និង គម្រោង

• ផ្តល់ប្រឹក្សាលើការរៀបចំទិន្នន័យជូនភាគីពាក់ព័ន្ធដើម្បីទទួលបានជោគជ័យក្នុងគម្រោង

• ចូលរួមរៀបចំ, កសាង និង អនុវត្តផ្នែកហេដ្ឋារចនាសម្ព័ន្ធទិន្នន័យ ( Databases Infrastructure)

• រៀបចំ និង វាយតម្លៃលើម៉ូដែលទិន្នន័យ (Data Model)

• អនុវត្តតាមនីតិវិធីឧត្តមានុវត្ត នៃ ETL ( Extract, Transform, Load)សម្រាប់ដំណើរការសំណុំទិន្នន័យ (Data Pipeline) ដោយប្រើប្រាស់ PS/SQL, My SQL និង ឧបករណ៍ផ្សេងទៀត

• គ្រប់គ្រងនិងអនុវត្ត Data Warehousing Tools ដូចជា Exadata ជាដើម

• វិភាគទិន្នន័យ, រៀបចំ និង កសាងកម្មវិធីរបាយការណ៍ផ្សេងៗដោយប្រើប្រាស់ Business Intelligence Tools ( Oracle OBIEE, Tableau, Power BI etc.)

• ពិនិត្យ និង តាមដានជាប្រចាំលើគុណភាពទិន្នន័យដើម្បីធានាបាននូវសង្គតិភាព, សុចរិតភាព និង ភាពអាចរកបាននៃទិន្នន័យនៅក្នុងប្រព័ន្ធ

• កំណត់ និង ដោះស្រាយបញ្ហាដែលកើតមានពាក់ព័ន្ធនឹងការគ្រប់គ្រងទិន្នន័យ ដើម្បីធ្វើឱ្យគុណភាពទិន្នន័យកាន់តែប្រសើរឡើង

• អាចអនុវត្ត Unit Test នៅកម្រិតទិន្នន័យ

• អាចគ្រប់គ្រងផ្នែកសុវត្ថិភាពចូលទាញទិន្នន័យ (Data Row-Level Security Access)

• ចូលរួមការងារជាមួយភាគីពាក់ព័ន្ធរួមមាន៖ ម្ចាស់គម្រោង, អ្នកប្រើប្រាស់ និង ក្រុមការងារបច្ចេកទេស

• សិក្សា និង ស្រាវជ្រាវឧបករណ៍, បច្ចេកវិទ្យា និង នីតិវិធីថ្មីៗ ដើម្បីទទួលបានចំណេះដឹងថ្មីនិងជួយធ្វើឱ្យប្រសើរឡើងក្នុងការជំនាញវិស្វកម្មទិន្នន័យ

• រៀបចំរបាយការណ៍វឌ្ឍនភាពការងារ និង របាយការណ៍ប្រចាំខែ ដាក់ជូនថ្នាក់ដឹកនាំ

• អនុវត្តកិច្ចការផ្សេងៗ តាមតម្រូវការ និង ការចាត់ចែងដោយថ្នាក់ដឹកនាំ ។

គុណវុឌ្ឍិ

• មានសញ្ញាបត្របរិញ្ញាបត្រឡើងទៅ ទាក់ទងនឹងជំនាញវិទ្យាសាស្ត្រកុំព្យូទ័រ, សវនកម្មបច្ចេកវិទ្យាព័ត៌មាន ឬ វិទ្យាសាស្ត្រទិន្នន័យ

• មានអាទិភាពសម្រាប់បេក្ខជនដែលចេះប្រើប្រាស់ Power BI , Oracle OBIEE, Tableau, Power BI

• មានចំណេះដឹងនិងបទពិសោធផ្នែក Data Engineering/ Data Analysis/ Data Science

• ត្រូវមានឆន្ទៈ និង មនសិការក្នុងការបំពេញការងារជូនស្ថាប័នរដ្ឋ និង បម្រើការបានយូរអង្វែង ។

ប្រាក់បៀវត្ស/ ប្រាក់ឧបត្ថម្ភ នឹងត្រូវទទួលបានទៅតាមមុខតំណែង និងផ្អែកលើសមត្ថភាព បទពិសោធន៍ និងគុណវុឌ្ឍិរបស់បេក្ខជនឬបេក្ខនារី។