1. ចូលរួមរៀបចំយុទ្ធសាស្រ្ត និងផែនការអាជីវកម្មរបស់សាខា ។ - ត្រូវក្តោបទិន្នន័យ និងព័ត៌មាន ជុំវិញកិច្ចប្រតិបត្តិការតំបន់ដែលខ្លួនទទួលខុសត្រូវ ដើម្បីចូលរួមកំណត់ យុទ្ធសាស្រ្ត និងផែនការអាជីវកម្មរបស់សាខា ។ - ផ្សព្វផ្សាយឱ្យបានទូលំទូលាយដល់បុគ្គលិកក្រោមការគ្រប់គ្រងរបស់ខ្លួន នូវផែនការយុទ្ធសាស្រ្ត និងផែន ការអាជីវកម្ម ដែលបានអនុមតិដោយក្រុមប្រឹក្សាភិបាល ។ 2. ដឹកនាំ ចាត់ចែង ត្រួតពិនិត្យ និងវាយតម្លៃ ប្រតិបត្តិការរបស់បុគ្គលិកក្រោមការគ្រប់គ្រងរបស់ខ្លួន ។ - ដឹកនាំវិភាគ និងថែរក្សាទីផ្សារ ស្វែងយល់អំពីស្ថានភាពមុខរបរ សក្តានុពលនៃមុខរបរ ការជះឥទ្ធិពល ទាំងឡាយពីកត្តាខាងក្នុង កត្តាខាងក្រៅ ចំពោះតម្រូវការទីផ្សារដែលទាក់ទងនិងប្រតិបត្តិការឥណទាន។ - ដឹកនាំមន្រ្តីឥណទានក្រោមការគ្រប់គ្រង ដើម្បីប្រជុំផ្សព្វផ្សាយនៅតំបន់ប្រតិបត្តិការថ្មី ឬចាស់ ក្នុងគោល បំណងទាក់ទាញដៃគូសក្តានុពលឲ្យបានកាន់តែច្រើន ។ - ជារៀងរាល់ថ្ងៃត្រូវពិនិត្យនូវបញ្ជីបង់របស់ដៃគូក្នុងថ្ងៃ និងបញ្ជីដែលដៃគូបង់យឺតយ៉ាវខកខានមិនបាន គោរពទៅតាមកិច្ចសន្យា ដើម្បីចាត់ចែងឲ្យមន្រ្តីឥណទានចុះទៅជួបផ្ទាល់ជាបន្ទាន់មិនឲ្យលើសពីថ្ងៃបន្ទាប់នៃថ្ងៃធ្វើការ ជៀសវាងក្លាយជាបំណុលធ្ងន់ធ្ងរ ពិបាកក្នុងការដោះស្រាយ និងកើតទៅជាទម្លាប់ដែលអាចឲ្យដៃគូដ៏ទៃទៀតយកគំរូមិនល្អតាម។ - ចូលរួមជាមួយមន្រ្តីឥណទាន ក្នុងការចុះដល់ផ្ទះដៃគូ ឬអ្នកធានា ដើម្បីដាស់តឿនដៃគូ ឬអ្នកធានា ឲ្យ សងបំណុលទាំងប្រាក់ដើម ការប្រាក់ និងប្រាក់សន្សំកាតព្វកិច្ចឲ្យបានទាន់ពេលវេលាតាមកិច្ចសន្យា។ - សិក្សាស្វែងយល់ឲ្យបានច្បាស់ពីគោលការណ៍ នីតិវិធី និងគោលការណ៍ណែនាំនានាដែលទាក់ទងទៅ នឹងការគ្រប់គ្រងឥណទាន និងតម្រង់ទិសដល់មន្រ្តីឥណទានជាប្រចាំ។ - ត្រួតពិនិត្យ និងវាយតម្លៃសមត្ថភាពការងារ ចរិយា និងលក្ខណៈសម្បត្តិរបស់មន្រ្តីឥណទានក្រោមការ គ្រប់គ្រង និងរាយការណ៍ជូនអ្នកគ្រប់គ្រងផ្ទាល់ ដើម្បីចាត់វិធានការកែលម្អ ក្នុងករណីបានណែ នាំហើយ ប៉ុន្តែមន្រ្តីឥណទាននៅមិនអនុវត្តតាម។ - ត្រួតពិនិត្យរាល់ឯកសារឥណទាន ដែលមន្រ្តីឥណទានបានធ្វើ ដើម្បីធានាអនុវត្តឲ្យបានល្អច្បាស់លាស់ ត្រឹមត្រូវ និងគ្រប់គ្រាន់ អនុលោមតាមគោលការណ៍ឥណទាន និងគោលការណ៍ណែនាំនានា មុនដាក់ ជូនគណៈកម្មការឥណទានពិនិត្យ និងសម្រេច។ 3. អប់រំ និងតម្រង់ទិសមន្រ្តីឥណទានក្រោមការគ្រប់គ្រង ដើម្បីធានាឲ្យមានសមត្ថភាពគ្រប់គ្រាន់ ។ - ប្រាកដថាមន្រ្តីឥណទានចេះត្រួតពិនិត្យ និងវិភាគឥណទាន ដូចមានចែងក្នុងគោលការណ៍ឥណទាន និងបំពេញបាននូវរាល់តម្រូវការសម្រាប់ធានាសុវត្ថិភាពឥណទាន។ - អប់រំ និងតម្រង់ទិសជាប្រចាំដល់មន្រ្តីឥណទានក្រោមការគ្រប់គ្រង ឲ្យប្រកាន់ខ្ជាប់នូវសីលធម៌វិជ្ជាជីវៈ និងការអនុវត្តន៍រាល់គោលការណ៍ច្បាប់របស់ គ្រឹះស្ថានចំរើន។ 4. ការរៀបចំរបាយការណ៍ និងសម្របសម្រួលការងារដទៃទៀតតាមការចាត់ចែងរបស់ថ្នាក់ដឹកនាំផ្ទាល់ ក្នុង ក្របខណ្ឌគ្រឹះស្ថានចំរើន ។ - ធ្វើរបាយការណ៏ និងរាយការណ៌ទៅអ្នកគ្រប់គ្រងផ្ទាល់ជាប្រចាំ - ទទួលខុសត្រូវរៀបចំរបាយការណ៍ប្រចាំសប្តាហ៍ នឹត្រូវជូនអ្នកគ្រប់គ្រងផ្ទាល់ឲ្យបានមុនថ្ងៃទី មួយ(០១) នៃថ្ងៃធ្វើការសប្តាហ៍បន្ទាប់ មុនម៉ោងដប់ពីរថ្ងៃត្រង់ រៀងរាល់សប្តាហ៍។ - ទទួលខុសត្រូវរៀបចំរបាយការណ៍ត្រួតពិនិត្យការបញ្ចេញប្រាក់ ដោយត្រូវបំពេញជារៀងរាល់ថ្ងៃបន្ទាប់ពី បានបញ្ចេញឥណទានទៅឲ្យដៃគូសម្រាប់ជួនអ្នកគ្រប់គ្រងផ្ទាល់របស់ខ្លួន ។ - អនុវត្តការងារប្រកបដោយវិជ្ជាជីវៈ ដោយត្រូវចេះសម្របសម្រួលការងារជាមួយបុគ្គលិកដ៏ទៃ និងប្រកាន់ ខ្ជាប់នូវភាពអំណត់ធន សុចរិត និងទទួលខុសត្រូវខ្ពស់ ដើម្បីឱ្យការងារទទួលបាននូវប្រសិទ្ធភាពខ្ពស់ ។ - អនុវត្តកិច្ចការដ៏ទៃទៀតតាមការចាត់ចែងរបស់អ្នកគ្រប់គ្រងផ្ទាល់របស់ខ្លួន ក្នុងក្រមខណ្ឌការងាររបស់ គ្រឹះស្ថានចំរើន ។

1. ត្រូវយល់ដឹងពីគោលការណ៍ នីតិវិធី សេចក្តីសម្រេច និងសេចក្តីណែនាំនានារបស់ចំរើន 2. ត្រូវមានចំណេះដឹងទូទៅចាប់ពីកម្រិតបរិញ្ញាបត្រឡើង ឬសញ្ញាបត្រមានតម្លៃប្រហាក់ប្រហែល ក្នុង ជំនាញគណនេយ្យ ហិរញ្ញវត្ថុ និងធនាគារ វិទ្យាសាស្រ្តសេដ្ឋកិច្ច និងការគ្រប់គ្រងពាណិជ្ជកម្ម ឬជំនាញ ប្រហាក់ប្រហែល។ 3. មានបទពិសោធន៍ការងារក្នុងវិស័យហិរញ្ញវត្ថុ យ៉ាងតិចមួយ(០3)ឆ្នាំ