ចាប់តាំងពីចុងឆ្នាំ២០០៤ មក រាជរដ្ឋាភិបាលកម្ពុជាដោយមានក្រសួងសេដ្ឋកិច្ចនិងហិរញ្ញវត្ថុជាសេនាធិការ បានចាប់អនុវត្តកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈជាជំហានៗ មានរយៈពេលវែង ដែលមានគោលបំណងកែលម្អប្រព័ន្ធគ្រប់គ្រងហិរញ្ញវត្ថុ សាធារណៈរបស់កម្ពុជាឆ្ពោះទៅរកស្តង់ដាអន្តរជាតិ។ ការអនុវត្តកម្មវិធីនេះបានទទួលជោគជ័យជាបន្តបន្ទាប់ ហើយកំពុងបន្តអនុវត្តជំហានបន្ទាប់ទៀត។ អគ្គលេខាធិការដ្ឋានគណៈកម្មាធិការដឹកនាំការងារកែទម្រង់ការគ្រប់គ្រងហិរញ្ញវត្ថុសាធារណៈ “អ.គ.ហ.” ជាសេនាធិការរបស់គណៈកម្មាធិការដឹកនាំការងារកែទម្រង់ការគ្រប់គ្រងហិរញ្ញវត្ថុសាធារណៈនៃក្រសួងសេដ្ឋកិច្ចនិងហិរញ្ញវត្ថុមានមុខងារ និងភារកិច្ចសម្របសម្រួលការរៀបចំ និងការអនុវត្តការងារគោលនយោបាយសេដ្ឋកិច្ចនិងហិរញ្ញវត្ថុ ព្រមទាំងសម្របសម្រួល ការរៀបចំ និងការអនុវត្តកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈ។

ដោយមានចក្ខុវិស័យច្បាស់លាស់ និងក្នុងនាមជាសេនាធិការប្រកបដោយគុណភាព ស័ក្ដិសិទ្ធិភាព និងប្រសិទ្ធភាព អគ្គ-លេខាធិការដ្ឋានគណៈកម្មាធិការដឹកនាំការងារកែទម្រង់ការគ្រប់គ្រងហិរញ្ញវត្ថុសាធារណៈ “អ.គ.ហ.” ត្រូវការចាំបាច់នូវធនធានមនុស្សជាបុគ្គលិកជាប់កិច្ចសន្យាចំនួន៤រូប បម្រើការងារជូនអគ្គនាយកដ្ឋានសេដ្ឋកិច្ចឌីជីថល ដែលមានសមត្ថភាព មានជំនាញ និងមានបទពិសោធន៍សមស្របតាមការងារនីមួយៗដូចខាងក្រោម

** ភារកិច្ច

- បង្កើតមាតិកាឌីជីថលសម្រាប់ផ្សព្វផ្សាយនៅលើប្រព័ន្ធផ្សព្វផ្សាយឌីជីថលដូចជា Facebook, Instagram, LinkedIn, គេហទំព័រ ជាដើម

- រៀបចំរចនារូបភាព និងព័ត៌មានក្រាហ្វ សម្រាប់ជំនួយដល់ការផ្សព្វផ្សាយ

- សហការជាមួយក្រុមការងារពាក់ព័ន្ធដើម្បីរៀបចំអត្ថបទផ្សព្វផ្សាយ

- ពិនិត្យ តាមដាន និងវិភាគលើស្ថិតិ និងលទ្ធផលការផ្សព្វផ្សាយតាមអត្ថបទនីមួយៗដើម្បីកំណត់វិធានក្នុងការ

- ពង្រឹង និងពង្រីកការផ្សព្វផ្សាយ

- រៀបចំយុទ្ធសាស្ត្រសម្រាប់ប្រព័ន្ធផ្សព្វផ្សាយ ស្របតាមគោលដៅរបស់អង្គភាព

- តាមដានជាប្រចាំពីនិន្នាការ និងការរីកចម្រើននៃប្រព័ន្ធផ្សព្វផ្សាយឌីជីថល

- បំពេញការងារផ្សេងៗទៀតតាមការប្រគល់ជូនពីថ្នាក់ដឹកនាំ

** គុណវិ

- មានសញ្ញាបត្របរិញ្ញាបត្រឡើងក្នុងជំនាញប្រព័ន្ធផ្សព្វផ្សាយ ឬប្រហាក់ប្រហែល

- មានបទពិសោធន៍យ៉ាងតិច ១ឆ្នាំ លើការងាររៀបចំរូបភាព និងមាតិកាផ្សព្វផ្សាយ

- មានជំនាញក្នុងការស្រាវជ្រាវអត្ថបទសារព័ត៌មានបានល្អប្រសើរ

- មានបទពិសោធន៍ក្នុងការធ្វើបច្ចុប្បន្នភាពព័ត៌មានលើគេហទំព័រកាន់តែប្រសើរ

- មានគំនិតច្នៃប្រឌិតពាក់ព័ន្ធនឹងការរចនារូបភាព, ក្រាហ្វិក

- មានចំណង់ចំណូលចិត្តនៅក្នុងវិស័យឌីជីថល

- មានជំនាញក្នុងការទំនាក់ទំនងបានល្អ

- អាចបំពេញការងារដោយឯករាជ្យ និងជាក្រុមបានល្អ

- មានអត្តចរិតស្លូតបូត, ស្មោះត្រង់, ឧស្សាហ៍, ព្យាយាម និងគោរពក្រមសីលធម្មវិជ្ជាជីវៈ។

ក. នីតិវិធីនៃការជ្រើសរើស

​បេក្ខជន បេក្ខនារី នឹងត្រូវវាយតម្លៃជាបឋមលើប្រវត្តិរូបសង្ខេប និង Cover Letter។ បេក្ខជន បេក្ខនារីដែលបានជាប់ក្នុងបញ្ជីជម្រុះបឋមប៉ុណ្ណោះ នឹងត្រូវអញ្ជើញមកសម្ភាសន៍ផ្ទាល់មាត់ ។

ខ.នីតិវិធីនៃការដាក់ពាក្យ

​បេក្ខជន បេក្ខនារីដែលមានចំណាប់អារម្មណ៍ សូមផ្ញើប្រវត្តិរូបសង្ខេប (CV) និង Cover Letter (ជាភាសាអង់គ្លេស) និងឯកសារភ្ជាប់ពាក់ព័ន្ធនានាមកកាន់អាសយដ្ឋានសារអេឡិចត្រូនិច៖ [email protected] ឱ្យបានយ៉ាងយូរបំផុតត្រឹម ថ្ងៃចន្ទ១០កើត ខែចេត្រ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី៧ ខែមេសា ឆ្នាំ២០២៥ វេលាម៉ោង ៥និង៣០នាទីល្ងាចជាកំហិត។ អ.គ.ហ. ទទួលពាក្យស្នើសុំចុះឈ្មោះចូលបម្រើការងារតាមរយៈប្រព័ន្ធអនឡាញ (Online) តែប៉ុណ្ណោះ។